小紀向前走

20160227 春季郊遊樂@布萊頓、七姊妹崖 (下)

繼續繼續。尋晚太眼睏，個分界位有點亂黎，重新執過位，由抵達郊野公園再講過先！
上回講到我到站已經三點了（由屋企出發計用左六個鐘-_-）。
有興趣去埋睇崖既朋友我強烈建議留兩日，一日實在唔夠用……
可能我哩個HEA HEA柚手腳慢啦！
郊野公園門口有路線圖……要去睇Seven Sisters Cliffs有三條路可以選擇：
．Park Trail - 可行哂七個姊妹既頭頂；
．Beach Trail - 睇到兩三個姊妹；
．Seaford Head View Point - 可睇哂七個姊妹。
View Point睇哂七個姊妹就當然最理想啦！但世事就係咁，最靚既地方就注定路程最遠咖喇……
因為時間關係，為免行到去已經日落西山，一個姊妹都睇唔到。
我決定忍痛地捨難取易，行Beach Trail啦！我都係要再黎多次咖喇～～～
一望無際綠草地，正呀～（可惜天唔夠藍草唔夠綠，所以夏天一定要再黎！野餐！）
事不宜遲，立刻向前走不回頭！（植入式口號hahaha）
沿路都係草原，人唔算太多，亦唔會太少。風景優美，遠離煩囂，感覺特別寧靜舒服。
有唔少狗仔在散步。
亦會不時見到綿羊群
草原中既小屋，好童話。
TA-DA- 中間白色就係七姊妹斷崖喇！其實比我想像中快，半個鐘左右就去到石灘了。
只睇到兩三個Sisters… 好過無。天開始有點黑。
七姊妹崖係位於英倫海峽既七個白堊斷崖。
聞說係白堊紀時期已經形成！即係我爬上去既時候衣服沾上既係一億年前既泥土！！！（我暈了）
不過！我覺得相片完全影唔覺到現場既宏偉……我略盡綿力啦。
有些風景，始終是要親眼所見，有些經歷，始終是要親身感受。
總之下次一定一定一定要睇哂七個Sisters！
石春路十分難行。
另一邊，景觀都唔錯。
響度識左兩個西班牙女仔，一齊由崖底爬上崖頂。（沿住白色路段）
無碌返落山，都算係生死之交！
上到崖頂視野更加廣闊。如果唔係要咁耐先黎到，我應該會成日黎咖。
左邊兩個就係新識既西班牙女仔，兩個都係Year 3學生。
佢地話我個樣似21，知道我真實年齡之後仲露出難以至信既表情添，哇哈哈哈哈哈哈。
西班牙女仔同我講話可以行哂七個崖頂，去到遠處既Light House～
後來我上網睇，其實可以搭巴士去的。
我宜家已經計畫好下次黎既路線喇：先行去View Point，再搭返巴士去Light House！一於咁話！
有人坐在崖邊看風景。（無攔杆，有點牙煙。）
仲有人砌左心心，Sweet Sweet～～
我就曬下就黎落山既太陽，真係好舒服呀哩度～～～
沿住Park Trail落山，日落嚕。
比佢發現左我偷拍添～～哈哈
好可愛呀你～～～～～
落山搭１２號慢車，站站停，個幾鐘先到。
Bus pass係經Brighton & Hove Buses App買的，1 Day Pass £4.2。
由4:30am至4:30 am，自動計時。
上車時比部電話司機睇就得咖喇～～
我爬文見其他人都係買紙既Bus Pass，係刮刮咭，都幾過癮。
不過我無去Tourist Office就無買到了。
起巴士告別新朋友後，我就去返Brighton Pier。已經六點了。又見到Small Ben～～
海岸邊的摩天輪，亮燈後更靚！
遊樂場～～
後巷都咁靚。
Skip左Lunch，肚子很餓，又係時候揾食。
Yelp左第一間Riddle and Finns… 無位了。不過見到餐牌都幾吸引，又要留返下次了。
Yelp左第二間叫Hop Poles……去到門口，噫喂，Pub黎既？一個人去Pub真係怪到無人有。
我諗左一分鐘，又比肚餓戰勝理智，唔理咁多入去啦～
黎到海邊就梗係要食海鮮啦！所以我嗌左……Fish & Chips！！！！（哈哈哈，其實尋日先食完。）
不過好一般，魚同薯條都唔夠脆。Yelp有4.5星，到底係咪靠酒精欏返黎既呢？？？？
食飽仲有時間周圍逛。
周圍有好多好Artistic既小店～～（當然全部關哂門啦）
話說我係個騎呢既人，最鐘意就係哩類騎呢既小品。
狐狸先生幾多點……？
蛋形燈
去到巴士站，一個人都無。原來我記錯左時間，唔係8:20… 而係8:40… 於是我又行多個圈。
人群陸續出現。等呀等，等呀等，等呀等。8:40司機仲係連影都未見。
周圍既人都開始凍到爆粗同露出焦慮既神情。
因為你唔知個司機到底會唔會黎！！！仲要唔要無了期等落去好！！！
係咪要響度過夜？？係咪要買火車飛？？
Brighton Coach Station真係過份簡陋……
一般黎講Coach Station都會有Ticket Office（連職員）、有室內候車室……
最重要係——有顯示巴士到站時間咖嘛。
連普通巴士站都有喇，唔明點解Coach Station竟然會無。
如果唔係有咁多人，真係會以為自己記錯時間……
好彩聽日星期日，我都唔算太焦慮。突然記得帶來既提子仲未吃，於是我就坐響巴士站度食食食。
（哈哈哈……我份人真係勁怪。）
OK，結果架車成9:00先到！！！！！！！！！！！！！！！！凍到結冰了。
不過回程無停站，所以快好多。十一點半就返到屋企嚕～～
最後送上合照！！！！！！
早抖~~

20160227 春季郊遊樂@布萊頓、七姊妹崖 (上)
雖然現在已經夜深，但係好想寫左先！
費事過左啖氣～～～
今日去左Brighton & Seven Sisters
前者好歡樂、繽紛
後者好平靜、舒服
今朝本身買左10點巴士飛既
其實巴士係慢既，2個半鐘先到，
但因為真係平過火車太多（來回£12），
而且無抱有好大期望，
諗住無咩做八個鐘都夠皮喇掛？！
但係出發前一日（其實即係尋日），
我朋友同我講話附近有個崖都好值得去。
上網爬下文，發覺車程要成個鐘，即係來回兩。個。鐘。
跟住都諗左好耐，去定唔去好呢？!
去？唔去？？去？？？唔去？？？？
一場去到都唔去睇下，
淨係留響市區好似浪費左。
所以都係決定GOGOGO！
點知！好衰唔衰，本身已經唔夠時間，我仲竟然唔知醒！！！！！
跑得唔夠快，遲左一分鐘，巴士開走了。
我即場呆左十幾分鐘(⊙ｏ⊙)
腦袋空白一片，好似老細問我野果時咁！！！！！
望下個天，雖然唔係好藍不過又唔算太差。
咁早起身成日流流長都唔知做咩好……
所以最後都係決定買多張單程飛，照去啦！（單程£11.7。傻的嗎。）
之前每次都在危急存亡之秋也時趕到，今次遲到的人終於受到教訓了。
下班車開11 am，見有時間，唯有去黎天王度食個早餐先。三文魚蛋包，咖啡（£3.95，抵！）
嗚...嗚...嗚...
出發！！！完全無影響心情，而且仲好期待～～～
中途停左好多個站，怪唔乜知咁耐先到啦！訓左一個鐘，醒來睇風景，嘩，好似渡假村！！
Brighton Coach Station就響Brighton Pier附近，算係不幸中之大幸！
因為今日唔諗住City Walk，打算到達後立即轉巴士去Seven Sisters，有得順路經過行個圈都算小Bonus～～
因為London無海，所以我都好耐無去過海灘嚕～～
Brighton Pier 出面有個小示威。
遇見Small Ben。Nice to meet you!!
諗住搭2:07班車，快速響Brighton影幾張～～十分大風。好彩有戴帽！
Brighton Pier其實係個遊樂場黎呢，有攤位遊戲，有機動遊戲。不過我快速遊走就無入去玩嚕。
跑去巴士站時回望，遠睇既Brighton Pier好靚啊！雖然唔係藍天，不過哩個光線都幾靚。
（係似乎就快天黑咁款者。哈哈。我今日先岩岩開始咋喂！！！）
（好彩宜家太陽晏返落山者～～～）
好鐘意有顯示到站時間既巴士站～好方便！勁口渴，満腦子都係可樂。
12X，見到仲有九分鐘，即刻Google Map揾超級市場，丫，又幾近喎！衝！
到手～～～
響英國成日見到黃色水仙，而且係用泥種而非用水浸，同香港好唔同。
12X已經係快車，都要差唔多成個鐘先到，去到已經三點了。
Seven Sisters Country Park就響巴士站對面，一落車就到咖喇～
綠色電話亭，令我諗起Coca Cola Life… （非植入式廣告）（哈哈）
。
。
。
唔得，都係太眼睏！(～﹃～)~zZ
——待續。

20160101-20160103 情迷愛丁堡
打鐵趁熱，開始左就唔好拖～～！
今個星期勁呀我（我自己講(>^ω^<)）
返工效率十分高，連續交左好多份功課～～
遊記進度十分好，連續打左好多篇～～
我懷疑係因為我早餐轉左食蕉……哈哈哈哈哈哈哈哈
細個聽講食蕉會變聰明咖o(∩_∩)o 哈哈哈哈哈哈哈哈
至於點解朝早食蕉？好明顯係唔知醒，唔夠時間食麥皮囉！
（宜家天天素顏，完全豁了出去 YEAH～）
原因同過程都唔係重點，最緊要係結果！！！！
話說尋晚好夜放工覺得壓力好大，
唔想返到去即刻訓，訓醒又要即刻返工。
就手痕畫左頭頂幅TOP PIC……
其實仲係好樣衰，有時間再執執。
Day 3．．．
又係九點撲去食早餐～～
芝士醬搽瑪利餅
今日唔飲咖啡，轉會飲咕叻～～
小紀的芝士炒蛋配茄汁豆～～正呀！（尋日食得太飽，今日細食返DD )
奀豬的煙肉煎雙蛋～～
今日天氣都唔好，不過無計啦，最後一日了，都係要行下山、望下風景既～～
又經過城堡（山腳）
又經過Christmas Market （前與後 vs. 新與舊）
又經過靚酒店～～
黎料啦～～Day 1已摸黑上過黎，所以今次揾路完全無難道呀～
上到去仲落雨，又凍……所以都無咩人。
聽說是起完地基無錢繼續既……愛丁堡之恥⊙︿⊙
例牌都要睇下全景既～～

20160101-20160103 情迷愛丁堡
Day 2
．．．

20160101-20160103 情迷愛丁堡

2009年時黎過愛丁堡，當時已經好鐘意哩度。
因為真係好靚、好靚、好靚，係心目中一定會重遊既城市之一。
同行既奀豬去到唔夠一個鐘頭都話：我已經鐘意左哩度喇！！
其實聖誕前後都無咩點外遊（宜家諗返都有點後悔），
就趁新年返工之前來個三日兩夜短TRIP~
Day 1
．．．
 
2016。第一天的第一個旅程。
今次都係搭火車北上，由倫敦北上，車程約四個半小時。
尋晚倒數完返屋企先執行李，今朝９點車，真係眼睏到爆開癡埋再爆開。
但係我竟。然。唔。記。得。帶。EARPHONE！！！
好彩今次有奀豬同行，捉住佢傾計唔比佢訓覺～～HAHA
傾足四個半鐘，將生平所有事都分享哂……
終於都到Edinburgh Waverley。
無咩印象，因為上次黎唔係響度落車咖～
街景仍然係咁靚。雖然哩幾日天氣都唔係咁好，但係反而好襯哩度既感覺。
今次又係住B&B——Dene Guest House，Twin Room，不過有一張Double一張Single!!!
地方好大，廁所都係Decent Size～～唔洗好似上次咁擺野響洗手盆-_-
Check-in完後好肚餓，要出動揾食了。
本來都無咩事的，但當我發現附近所有餐廳都無開之後，胃酸即刻加強分泌，餓到癡哂線！！
奀豬話我一路行一路爆粗……HAHAHA
好彩上返City Centre果邊途中，響斜路上發現哩間隱藏餐廳仲有開門者～～救了我小命！哈哈
小店面積唔大，好彩揾到位唔洗等。
餐牌。
肚餓到食乜都覺得好味。
小紀的OMELETE
奀豬的Full English Breakfast
分享的Pancake （可能食飽左，覺得哩個麻麻，唔夠鬆軟，同我自己煎既差唔多質地HAHAHA）
食飽終於有力走動。雖然聖誕節已過，但哩度既Christmas Market仲未閃人。
就係New Town同Old Town中間～～一出火車站就見到咖喇！
同其他Christmas Market一樣，都係有好多聖誕裝飾同埋與聖誕有關既小品賣。
好多人@@
有唔少機動遊戲～～但規模當然無London既Winter Wonderland咁大啦。
平時見到七彩繽粉都會覺得好靚咖嘛，不過我同奀豬一致認為唔襯愛丁堡，有點殺風景。
又，行行下天已黑齊，當時其實只不過係五點左右，唔係好夜咖咋。
英國冬天日照真係好短，好彩我習慣出夜街者。Hahaha
哩棟野真係好靚，我地估係咩黎，原來係酒店呢～～
之後我地去舊城區果邊行下～凍到飛起，又入左室內，入面係Handcraft Market。
有熱野食，不過當時又唔太餓。
Adam Smith
行行下到愛丁堡城！！
唔知點解我覺得哩位有少少似舊香港。
好多聖誕樹都仲響度。如果係香港，２６號就無哂嚕～
因為果排坤哥好Hit… 我地兩個一路行一路唱原來她不夠愛我同陽光點的歌HAHAHAHA
然後今日咁岩係叱吒頒獎禮，Facebook比坤哥洗哂版，我地亦比坤哥洗哂腦......
講講下仲話不如返去睇Replay！！好誇張… 明明唔係坤哥Fans… 真係唔知我地想點HAHAHA
結果今日行程七點就完結了。（不過返去竟然睇唔到T_T）
返去前入左間亞洲餐廳買左兩串沙嗲～幾好味喎！

20160221 Bea’s of Bloomsbury

20160220 Wimbledon Common, Richmond Park, West Acton
勁呀我今日，好日唔做運動既我跟埋班同事去左行山。

20151229 伯明翰一日遊
會諗到去哩度既原因係（如果無記錯的話）——
細個時成日聽一個鐘意睇波既師姐經常提到，
所以我正式係「細細已經聽過佢個名咖喇」\(^o^)/。
不過有種見面不如聞名既感覺……
令人傻眼既建築風格，加上遇到令人汗顏的大叔d(╯﹏╰)b 。
所以基本上我對哩個城市印象好差！
（係咪好趕客HAHAHA）
．．．
伯明翰
唔知有咩玩
不過都係要去的
今日搭National Express... 要去Victoria Coach Station上車。
明明都已經幾準時八點起身
又都幾準時出門口
點知都係趕到甩碌
危急存亡之秋也
跑過去有驚無險趕到上車
但因為太遲所以要坐最後排
喺正廁所前面——勁臭！！！！！！！！！！！！
下次真係要早啲到啊唔係講笑
（↑↑↑一生人講得最多既大話ＨＡＨＡＨＡ）
雖然好眼訓
但因為環境太差
所以全程都訓唔到 (ˉ﹃ˉ)
十到開車，十二點半左右就到喇～
City Centre有勁多商場，一出車站向前行就去到哩個Bullring Shopping Centre……
隔離係哩個Parish Church of St. Martin
黎到正好午餐時份，行左一小陣，覺得真係好肚餓，穿過商場揾食先～！！
因為條街唔靚，所以都無乜影相，反而仲有小小聖誕裝修既商場就幾靚～～　
Yelp左間附近高分既餐廳。
比肚餓充薰頭腦，無睇清楚就入左去，點知係食齋既……
嗌左個‘Fish’& Chips……間野都幾full，而且差不多枱枱都有點Fish & Chips！！
其實係四大球芝士，味道都唔錯既，不過真係一個字：好漏！
可能唔夠訓又無食早餐，再食咁漏既野，我食左兩舊開始無咩胃口，仲暈暈地。
一開波仲好肚餓嗌左2 Courses ……甜品係Affogato al caffè (Vanilla ice cream & Expresso) ……
只能說我宜家睇返真係好想食！！！不過當時真係無胃口完成佢。-_-。sorry！
急急埋單閃人。
@Cathedral Square
Lost & Found <(￣︶￣)>
行到Birmingham Museum & Art Gallery對出，遇到個令人汗顏的大叔，係咁逼我同佢自拍⊙﹏⊙‖∣
行到去Birmingham Library，無開門。
不過出面就有個摩天輪～～同迷你型Christmas Market～～話說好似英國每個城市都會聖誕節時放個摩天輪咁，哈哈！
之後經過哩條Canalside Walk……
見好似幾靚就落去行下～我覺得係全Birmingham最值得去既位～～
沿住運河亂行，附近都有D餐廳幾靚的～
穿過ICC就可以出返摩天輪果邊喇～～
夜晚靚咁多～～～
之後就行返去City centre果邊揾牛牛～～其實佢個樣好灰諧。
最後去左今朝見到想食嗰間HANDMADE BURGER買外賣去車站邊等邊食
霸到頭位唔洗坐屎坑隔離～～～上到車光速訓著了～～～　
我宜家都要訓了～～ＢＹＥ！

|||小紀英倫工作日誌 ||| 四個月小記​
《轉台》
我作為一個港女，為表示支持廣東話，我決定以後轉返廣東話CHANNEL~
廣東話，繁體字，都係香港核心價值，無可取替的！
雖然我宜家離鄉別井飄洋過海，但係我發夢都仲係講廣東話咖啵~
。
《生活》
我呢，十月過來，十一月正式返工，十二月已經印印腳等放假……
岩岩返工就有本書要趕住出，加上初來報到好多新野要認識要習慣要適應，
所以，一開波都忙左陣既。
但係隨著聖誕臨近，上至老闆下至打雜都漸漸變得無心戀戰……
個個額頭都寫住【唔想撈】哩三個字，又或者【HEA】哩三隻字母。
我份人適應咁強，加上交完功課，梗係好融入到哩個氣氛啦！哈哈哈
不過正所謂出得來行預左要還，近排開始真係忙到有氣無訂抖。
返工忙，放假就更加忙！！
之前連續兩個週末都去了小旅行，
爽得來又好攰，攰得來又好爽。
不過早出晚歸舟車勞頓動……
（加上廉航周不時DELAY就係常識黎咖喇）
於是我頂唔住又再病倒了。
來到四個月就已經病左兩次，
平時響香港一年都病唔到一次咖嘛！
不過我都係呻下者……
就算病到點我都係要自己照顧自己咖喇……嗚嗚……
話說睡眠真係治病既良藥，
上次同今次，我都係訓左一整日就好返了~
不知不覺黎左四個月了，
所有野都漸漸上返軌道。
一切開始回復正常。
我聽日要去行山！！！訓覺嚕~

【小紀遊記】重遊約克古城 

轉眼已經來到2016
年紀愈大，時間過得愈快。
今年的目標很多，想去的地方很多，想學的東西也很多。
總而言之，一定要過得充實不可以虛渡！
是說今天買了部HP DETACHABLE LAPTOP方便日後旅行之用
TABLET & LAPTOP兩用， 真的不得之了~~ 超輕巧，超喜歡！！！！！
（應該很少女生會像我一樣對電子產品這麼感興趣吧）
（我本人是認識不少喇，因為物以類聚嘛！）
正興奮地設定之際卻忽然記起一直用來寫網誌的WINDOWS LIVE WRITER不再支援BLOGGER
（之所以網誌停滯了這麼久……）
正躊躇要怎麼辦時卻給我發現了WINDOWS LIVE WRITER的孖生兄弟OPEN LIVE WRITER
樣子長得一模一樣！！
功能也是一模一樣！！
噢！不知不覺也太聊太久了吧……
未寫的遊記堆積如山……
為免最後不了了之，事不宜遲，坐言起行，現在就開始寫！！
―――
來到英國後有兩星期的空檔，雖然有好多瑣碎事要做，
但還未正式開始工作，幾歹都要把握時間到處晃晃。
因之前已來過倫敦幾次，附近有興趣的地方差不多全都逛完了。
幾年前來歐洲畢業旅遊時其實已經去過約克~
不過當時只是路過獨個兒逛了半天而已。
今次同行的朋友奀豬又難得地有點興趣，
於是捨命陪君子（？）決定來個重遊。
首先要鳴謝奀豬幫忙訂車票跟住宿。
―――
20151026-20151027 
0708火車，當時還住在Canary Wharf的我天未光就要出發……
London <–> York £48.9
剛轉了冬令時間，我們發現車站月臺的時鐘還未調較時間！！！！！（看到嗎看到嗎！）
車站其他地方的時鐘正確。
雖然說我之前已經過來這裡，不過對這個車站毫無印象……
全程都靠奀豬帶路。哈哈哈～～
時間尚早，先去吃個早餐吧。奀豬說：Ｗe needa start a good day with good breakfast ❤
賣相滿分，味道也相當好！！推介推介！！
資料如上
吃飽以後我們沿著城牆走到旅館
沿途真是風景如畫！！！
老人與狗
很久沒帶大相機同行，今次拍出來的照片完全是驚艷！！！
是說六年前買了部單反去背包旅行，
一整個月揹著沉重的背包加上沉重的單反正真是要了我的命。
之後就從來沒有把它帶去旅行了……
這幾年真的委屈了你，我答應你以後會多把你帶去遊世界！！！
途經約克大教堂。兩個中女停了下來瑟縮一角拍了一萬張自拍。
是說約克大教堂真的很難拍到整個！
教堂旁的公園也是風景如畫的，而且當時還沒有很冷，很舒服。
旅館方便我們是住這家B&B——The Beckett。（Twin Room£75 per night）（包早餐）
房間有點小，尤其是廁所。不過尚算乾淨。
放下行裝以後我們便回來約克大教堂參觀。
是說門票是無限次通行的。理論上如果我們前後腳的話只需付一人價錢HAHAHA
而且還加了錢上Tower。
只能說我平常運動太少，轉轉轉，真的累到要命！（這是走到一半的風景）
終於到達了頂樓！！！感動！！！
付出汗水後的風景特別美。
是說以上美美的照片都要透過這個小洞拍的-.-
這裡實情是……
哈哈哈
下來後今日要去的景點已經完了。我們去了逛街。
由於吃完個豐富的早餐後就跳過午餐，於是我們五時多便去吃晚餐了！
Grill Table，可以自選肉跟配菜。
Toffee Pudding，超好味！！！吃飽飽，七時多就回旅館去了～～
第二天一早起身吃早餐～～～　
傳統的英式早餐。
也有CEREAL CORNER~
出發！！！！！！！！！！！！！！！！！
遇上了黑貓
外國真是隨便都這麼漂亮。（是說我也真的太喜歡拍街景了吧！？）
連我這個走灰諧路線的笨蛋也變得特別有氣質是不是！！！哈哈哈！！！
來到了肉街。由於沒有看Harry Potter，所以有點無感。而且這裡超多遊人，很難拍！
這個我上次也有來。
換個角度。
這裡超多鴨（是鴨嗎？）
之後去了York Castle Museum參觀。
之後我們便回到大街那邊，預備吃下午茶～
來到鼎鼎大名的Bettys Tea Room。
有接近一百年歷史！！
今天的等候時間約４５分鐘……
Bettys是居住中部的朋友推介的，網上也有很多推介。
可能期望太高，有點普通就是了……並沒有驚艷的感覺！
（Scone方面我覺得香港的Seasons by Olivier E.是驚艷的好吃，吃完Tea Set之後，還要加單的那種。）
（而整體來說我偏愛倫敦的Fortnum & Masons，Savory超！驚！艷！！！當然環境也很好。）
可能當時還在煩惱租屋的事，所以有點影響了心情也影響了食慾。
吃完後，基本上都是在城市裡閒晃。
約克是個漂亮的城市，不過沒什麼特別的景點，所以步伐可以調慢一點，感受一下這裡的節奏。
慢慢步向火車博物館，就在火車站附近。這個上次也有來。
由於燈光昏暗，加上跟大相機久別重逢並不是很稔熟，所以大部份照片都很模糊！！！哈哈哈！！！
回程火車是2117，還有很多時間，所以又回到City Centre那邊找吃的。
沒做功課的二人隨便找了家餐廳吃晚飯，還不錯。
旅程唯一的收穫。
由於快要搬家，購物慾極低。哈哈哈